Forseti frá Costa Rica, friðarverðlaunahafi Nóbels lýsir yfir stuðningi við framboð og hugmyndafræði Ástþórs Magnússonar
Oscar Arias Sanches, fyrrum forseti Costa Rica og einn helsti frumkvöðull heims í friðarmálum hefur lýst yfir stuðningi við forsetaframboð Ástþórs Magnússonar.  Í Costa Rica eru reglur um hve lengi forseti megi sitja samfleitt í embætti, en eftir nokkurt hlé er Oscar Arias nú aftur í forsetaframboði. Ástþór hitti Oscar Arias árið 1996 í Costa Rica og birtist mynd af þeim saman í bókinni "Virkjum Bessastaði" sem dreift var á öll heimili á Íslandi fyrir forsetakosningar.  Nú hefur Oscar Arias aftur stutt forsetaframboð Ástþórs í þetta sinn með því að skrifa stuðningsgrein við framboðið árið 2004. Smelltu linkinn Öll Fréttin til að lesa stuðningsgreinina (Komin í Íslenskri þýðingu).

Líkir ritskoðun RÚV við það sem gerðist í Júgóslavíu á tímum Slobodan Milosevic

Fram er komið alvarlegt dæmi um ritskoðun RÚV og mismunum fjölmiðla í tengslum við forsetakosningar sem af erlendum fræðimönnum er líkt er við það sem gerðist í Júgóslavíu á tímum Slobodan Milosevic. 

Kastljós RÚV klippti í burtu meirihluta viðtals við Dr. Dietrich Fischer og allar tilvitnanir þessa merka fræðimanns um að Ástþór Magnússon gæti sem forseti Íslands valdið straumhvörfum í friðarmálum heims.   Smelltu á linkinn Öll fréttin hér að neðan til að lesa hneykslunarbréf Dr. Fischer þar sem hann líkir meðhöndlun RÚV á viðtalinu sínu við það sem gerðist undir einræðisherranum Slobodan Milosevic.

Fyrirlestur í Háskóla Íslands:
Johan Galtung segir forseta smáþjóðar
geta valdið straumhvörfum í friðarmálum

Ólafur Þ. Harðarsson prófessor í stjórnmálafræði, Johan Galtung,
Natalía Wium og Ástþór Magnússon á fyrirlestri í Háskóla Íslands.

DR. Johan Galtung, prófessor um friðarrannsóknir, segir að það fari vel á því að forseti smáríkis á borð við Ísland hafi það á sinni stefnuskrá að boða frið í heiminum. Galtung hélt erindi um hlutverk smáríkja í friðarumleitunum í Háskóla Íslands í vikunni og fjallaði um það í erindi sínu hvað forseti smáríkis eins og Íslands gæti gert til að stuðla að friði í heiminum. Sjá nánar linka til vinstri á www.forsetakosningar.is á stuðningsyfirlýsingar við framboð Ástþórs Magnússonar frá nokkrum af helstu frömuðum friðarmála í heiminum.

Ástþór vinnur kosningarnar samkvæmt könnun á malefnin.com

Samkvæmt skoðanakönnun á hinum vinsæla spjallvef www.malefnin.com mun Ástþór Magnússon bera sigur í komandi forsetakosningum.  Hér er niðurstaðan:

Hvað er verið að fela?

Dómsmálaráðuneytið hefur hafnað því að alþjóðlegir eftirlitsmenn Öryggis- og samvinnustofnunar Evrópu fái leyfi til að fylgjast með forsetakosningum á Íslandi.  Hvað eru yfirvöld að fela?  Höfnun ráðuneytisins á réttmætri kröfu frambjóðanda um heiðarlegar kosningar án mismununar skipar Íslandi í flokk þeirra ríkja sem gjarnan hafa verið kennd við bananalýðveldi og þeim ríkjum sem stjórnað er af illræmdum einræðisstjórnum. 

Ástþór fyrstur til að skila framboðsgögnum

Í gær 19 maí var vottorðum yfirkjörstjórna skilað til dómsmálaráðuneytisins og þar með er búið að skila inn öllum gögnum fyrir löggilt forsetaframboð Ástþórs Magnússonar, en undirskriftum var skilað fyrir um þremur vikum. Eftirfarandi var bókað hjá dómsmálaráðuneytinu um leið og framboðinu var skilað: 

Krafa um eftirlitsmenn frá Öryggis- og samvinnustofnun Evrópu (OSCE)  Að gefnu tilefni krefst framboð Ástþórs Magnússonar þess að yfirvöld kalli til án tafar alþjóðlega eftirlitsmenn frá Öryggis- og samvinnustofnun Evrópu (OSCE) til að fylgjast með aðdraganda, undirbúningi og framkvæmd kosninganna.  Sérstaklega er kvartað yfir því að dómsmálaráðuneytið hefur haldið framboði Ástþórs Magnússonar í fjársvelti með því að neita afgreiðslu á tombóluhappdrættisleyfi sem sótt var um fyrir þremur mánuðum.  Engin fordæmi eru fyrir slíkri synjun á fjáröflunarleyfi til stjórnmálasamtaka eða forsetaframboða.  Þá eru fram komin ósvífin dæmi um misnotkun fjölmiðla í þágu eins frambjóðanda en samkvæmt upplýsingum okkar er umboðsmaður þess framboðs jafnframt lögmaður stærsta fjölmiðlafyrirtækis landsins og sú manneskja sem hafði umsjón með undirskriftarsöfnun meðmælenda fyrir frambjóðandann bæði við þessar kosningar og áður var amk þar til fyrir stuttu síðan starfsmaður sama fyrirtækis.  Einnig komu fram árið 1996 dæmi um misnotkun fjölmiðla fyrirtækisins fyrir frambjóðandann.

Áhugaverður fundur

Miðvikudaginn 12. maí efna Samtök herstöðvaandstæðinga til hádegisfundar í veitingasalnum Litlu Brekku í Bankastræti kl. 12:00.  Þar mun Dr. Dietrich Fischer halda stutt erindi og svara spurningum um eitt og annað er viðkemur friðar- og afvopnunarmálum.

Dr. Fischer er fæddur í Sviss árið 1941, en hefur starfað við háskóla í friðarfræðum vestan hafs og austan. Eftir hann liggur fjöldi greina og bóka um friðartengd málefni. Einna þekktust er bókin Preventing War in the Nuclear Age frá árinu 1984, en einnig má nefna Winning Peace: Strategies and Ethics for a Nuclear-Free World sem hann samdi m.a. ásamt Íslandsvininum Jan Öberg. Þá hefur Dr. Fischer unnið ásamt Hohan Galtung og ráðgjafarstörf á sviði afvopnunarmála hjá Sameinuðu þjóðunum.

Það er mikill fengur í því fyrir friðarsinna að fá að hitta mann sem býr yfir jafn mikilli reynslu og þekkingu og Dr. Fischer. Vonandi geta sem allra flestir séð sér fært að mæta í Litlu Brekku á miðvikudaginn. Hægt verður að kaupa súpu og/eða kaffi á staðnum.